Ka filluar sot në Kosovë edicioni i dytë i Forumit për Gratë, Paqen dhe Sigurinë, i organizuar nga presidentja Vjosa Osmani, dhe do të zgjasë për dy ditë rresht.
Pjesëmarrës nga më shumë se 40 shtete të botës do t’i bashkohen këtij Forumi, me qëllim diskutimin dhe bashkëpunimin në fushën e sigurisë dhe paqes.
Paraprakisht raportohet se numri ka arritur në afro 1 mijë pjesmarrës.
Pjesë e forumit është edhe presidenti i Shqip¢risë Bajram Begaj, i cili mbërriti në Prishtinë ditën e djeshme. Kreu i shtetit pritet të mbajë edhe një fjalim.
Presidentja e Kosovës, Vjosa Osmani pak para fillimit të edicionit të dytë të Forumit për Gratë, Paqen dhe Sigurinë iu është adresuar qytetarëve përmes një video-mesazhi.
Osmani ka thënë se është hera e dytë që e organizojmë këtë forum ndërkombëtar që mbledh mbi 700-800 përfaqësues nga mbi 40 shtete të botës.
