Zbardhen detaje të reja nga vrasja ditën e sotme në Pejë. Gjyljeta Ukella u qëllua dy herë me armë zjarri nga bashkëshorti i saj Edmond Lajçi në kokë. Ata ndodheshin në banesë, ndërsa ende nuk dihet se ku ndodheshin 3 fëmijët dhe cili ishte motivi i ngjarjes.
Autori, i dënuar më parë me gjobë për dhunë në familje, është arrestuar, ndërsa dyshohet se ka pranuar krimin para policisë. Ai është ndaluar me 48 orë.
Gjyljeta Ukella punonte prej dy vitesh si asistente në stomatologji. Sipas kolegëve, ajo ishte një grua shumë punëtore dhe e urtë.
Kjo është ngjarja e dytë e njëjtë brenda pak ditësh në Kosovë, pasi disa ditë më parë Valon Aliu ka vrarë ish-bashkëshorten e tij Erona Cokli, shkak u bë kujdestaria e fëmijës.
