Një 39-vjeçar ka rënë në prangat e policisë së Korçës, pasi siç bëhet me dije, ka grabitur me forcë një të moshuar.
Policia informon se autori i identifikuar si K.M., i ka vjedhur me forcë një varse një 68-vjeçareje. Për këtë ai është arrestuar nga policia.
“Korçë/I vodhi me forcë në rrugë, varësen që një shtetase mbante në qafë, identifikohet, kapet dhe vihet në pranga autori i dyshuar i ngjarjes.
Shërbimet e Komisariatit të Policisë Korçë, në vijim të punës për zbardhjen e ngjarjes së ndodhur në mbrëmje, në lagjen nr. 12, Korçë, ku një 68-vjeçareje, i morën me forcë nga qafa, një varëse platini, kanë bërë të mundur identifikimin dhe kapjen e autorit të dyshuar.
Në vijim të veprimeve procedurale, specialistët për Hetimin e Krimeve të Komisariatit të Policisë Korçë arrestuan në flagrancë shtetasin K. M., 39 vjeç, banues në Korçë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë” thuhet në njoftimin e policisë.
