Një ngjarje e rëndë ka ndodhur në Rimini të Italisë. Policia italiane ka dhënë informacion se disa persona kanë tentuar të grabisin paratë në një bankomat duke i vendosur tritol.
Sipas raportimeve të TGCOM kjo tentativë ka dështuar madje njëri prej tyre ka mbetur i plagosur rëndë gjatë shpërthimit.
Ngjarja ka ndodhur jashtë një qendre tregtare në Cattolica, një provincë e Riminit. Sipas policisë, 36-vjeçari, identiteti i të cilit nuk është bërë i ditur, por thuhet se është nga Europa Lindore, ka humbur krahun gjatë shpërthimit, si dhe është dëmtuar në fytyrë. Policia thotë se ai është lënë aty nga personat e tjera në mënyrë që t’i vinte ndihma mjekësore.
I lënduari është dërguar me urgjencë në spital ku më pas i është komunikuar arrestimi në flagrancë nën akuzën e tentativës së vjedhjes së rëndë.
