Me thirrjet “Rama jep dorëheqjen” mijëra qytetarë pritet të mblidhen sërish sot në ditën e 15 të protestës duke kërkuar dorëheqjen pakompromis të Kryeministrit Edi Rama dhe gjithë qeverisë së tij.
Ndërkohë ditën e djeshme të protestës i është bashkuar edhe diaspora e cila ka kërkuar përmbysjen e këtij sistemi të ngritur prej 35 vitesh.
Thirrjet kryesore kanë qenë “Rama në burg, Berisha në burg”, “Revolucion”, “Shqipëri e re”, “Rama jepe dorëheqjen”, “Ju erdhi fundi”, “pa rini nuk ka Shqipëri”, “Pelikanin Kaçurrel, do ta sjellim në Kuvend”, “Bojkotoni këta plehra”, “Çohuni nga kafja”, dhe “Këtu vendosim ne”.
Mes protestuesve zërat që kanë mbajtur fjalimet nga podiumi janë shprehur se nuk do të ndalojnë as edhe të dorëzohen derisa Rama të dorëhiqet.
