Teksa po diskutonte situatën para zgjedhore në Maqedoninë e Veriut, analisti Ilir Alia, u ndal edhe tek situata e Serbisë e cila tashmë është me një qeveri të re me dy personazhe non-grata nga Shtetet e Bashkuara. Alia thotë se kjo është një shantazh ndaj perëndimit dhe SHBA-së prej Serbisë.
‘Pikëpyetja më e madhe në kancelaritë e Europës është çfarë duhet të bëjmë me këtë vend. Duhet të izolojmë apo ti japim një shans? Gjermanët po e shtyjnë Srebrenicën për ti bërë presion Serbisë. Si SHBA, si Gjermania, e dinë shumë mirë çfarë ndodh në Serbi. Vetë perëndimi duhet të tolerojë dhe të japi shenja pozitiviteti edhe Serbisë. Serbia me dy nongrata po i bën një tjetër shantazh Europës, jo shqiptarëve. Edhe vizitat në Moskë të zyrtarëve të shpeshta janë shantazh ndaj perëndimit’, tha Alia
