Kryeministri Edi Rama dhe kreu i grupit të PD, Gazment Bardhi janë duke shkëmbyer replika në distancë në lidhje me rinisjen e hetimeve nga SPAK për çështjen e laboratorit të kokainë në Xibrakë dhe dyshimet e përfshirjes së Olsi Ramës në këtë aktivitet.
Demokrati publikoi disa shkresa përmes të cilave shprehej se SPAK ka rinisur hetimet, e menjëhershme ishte dhe përgjigja e kryeministrit i cili e quajti si ‘kallëzues të rremë’ dhe se për këtë duhet të veprojë ligji.
Replikat nuk përfunduan këtu me Bardhin që i është përgjigjur kreut të qeverisë me ironi duke thënë ‘piktori bën si jurist’.
Ndër të tjera Bardhi tha se ‘halli i ri i Ramës mban numrin 88, dosja e rinisjes së hetimeve nga SPAK për Olsi Ramën dhe kokainën e Xibrakës’.
“Kur piktori bën si jurist!
Vëllai i madh i Olsit paska marrë avokat shumë të dobët! Megjithatë lajm i mirë shumë që ka marrë avokat! Për këto çështjet e trafikantëve të drogës do t’i këshilloja ER të nxirrte Ë.Agaçin të flasë se ka eksperiencë në avokatinë e tyre.
E ka bërë lëmsh dhe s’di çfarë shkruan, por në një pikë duket dora e tij: aty ku i jep urdhra SPAK-ut. Gabim i rëndë që, zakonisht, e bën sa herë ka një hall. Halli i ri i Ramës mban numrin 88, dosja e rinisjes së hetimeve nga SPAK për Olsi Ramën dhe kokainën e Xibrakës.
Derisa ta thërresë SPAK-u për shpjegime, mund t’u kursejë shqiptarëve kohë dhe t’u thotë me fjalë piktori:
ÇFARË E LIDH OLSIN ME MAKINËN AA 653 DM?” thuhet në reagim.
