Policia ka zbardhur detaje të reja nga plagosja me armë zjarri që ndodhi ditën e sotme në qytetin e Shkodrës.
Një 24-vjeçar Jaser Osmani, mbeti i plagosur me plumb në kofshë pas një sherri pranë banesës së tij.
Uniformat blu bëjnë me dije se është mundur të identifikohet autori, një 46-vjeçar me inicialet G.M., dhe po punohet për kapjen e tij.
Pamje nga vendngjarja/ Plagosja e 24-vjeçarit, autori i futi plumbin dhe u arratis
Shkodër/Informacion shtesë
Policia identifikon dhe vijon punën për kapjen e autorit të plagosjes së 24-vjeçarit.
Falë veprimeve të shpejta në vendngjarje, grupi hetimor ka identifikuar autorin e dyshuar, shtetasin G. M., 46 vjeç, banues në Shkodër.
Nga hetimet paraprake dyshohet se shtetasi G. M., pas një konflikti të çastit me shtetasin J. O., e ka plagosur atë me armë zjarri pistoletë dhe është larguar menjëherë nga vendi i ngjarjes.
Shërbimet e Policisë vijojnë kontrollet për kapjen e 46-vjeçarit.
