Opozita ka thirrur sot sërish një protestë përpara bashkisë së Tiranës.
Në ora 11:00 është programuar që qytetarët të protestojnë pranë godinës së bashkisë, ndërsa vetë policia ka njoftuar ditën e djeshme dhe masat e marra në kuadër të kësaj proteste.
Në zbatim të planit të masave, Policia e Shtetit njofton se prej orës 09:30 e në vijim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës.
Për këtë arsye sugjerohen që të përdoren rrugë alternative, deri në përfundim të tubimit, si Unaza e Mesme dhe Unaza e Madhe.
