Ajo që ishte sfida e fundit e Stefano Piolit në krye të Milanit, u mbyll me spektakël golash, por jo me fitore.
Në “San Siro” Milani barazoi 3-3 mes dramës kundër Salernitanës për raundin e 38-të dhe të fundit në Serie A. Me kuqezinjtë që kishin siguruar vendin e dytë dhe miqtë që sezonin e ri do luajnë një kategori më poshtë, dueli i sotëm ishte pa objektiva.
Leao në minutën e 22-të, Giroud në të 27 dhe Calabria në pjesën e dytë shënuan për kuqezinjtë, ndërsa Simy (dopietë) dhe Sambia shënuan për miqtë, me dy golat e fundit në minutat 87 dhe 89. Ky ishte dueli i fundit për Giroud me Milanin, teksa francezi ka firmosur me Los Angeles Galaxy në MLS.