Sulmuesi shqiptar Mirlind Daku ka prekur shifrën e 10 golave këtë sezon me Rubin Kazan në Premier League të Rusisë.
Duhej minuta e 22-të që Daku me një të djathtë nga brenda zonës të mposhtte portierin mik, për të kaluar të tijtë në epërsi. Pasimi i Vadas u shfrytëzua nga Daku, që me diagonalen e fortë e ndali sferën në rrjetë.
Veç dhjetë golave, Daku ka dhënë edhe katër asiste këtë sezon.
Daku është një ndër emrat më të përmendur sa i takon listës së Kombëtares shqiptare për në Euro 2024.
Bomberi kuqezi nuk u grumbullua nga Sylvinho në dy miqësoret e luajtura ndaj Kilit dhe Suedisë, ndërsa forma dhe golat e tij e tregojnë si një pretendent kryesor për të veshur fanellën kuqezi në Euro2024.
Mirlind Daku, Rubin Kazan, Rusi pic.twitter.com/K1WWLfYT4D
— News video (@Newsvideo13) May 25, 2024
