Në Tel Aviv kanë shpërthyer përplasjet mes policisë dhe protestuesve. Mijëra qytetarë u mblodhën kundër qeverisë dhe duke bërë thirrje që pengjet e mbajtura nga Hamasi në Gaza të kthehen në shtëpi.
Protestuesit mbanin në duar foto të disa ushtareve femra të cilat u rrëmbyen nga Hamasi gjatë sulmit të 7 tetorit, e të tjerë mbanin pankarta në të cilat shkruanin “Ndaloni luftën dhe ndihmoni njerëzit.”
Sipas raportimeve, ata i bënë thirrje qeverisë që të arrijë një marrëveshje me Hamasin për lirimin e pengjeve. Nuk munguan as thirrjet për dorëheqjen e kryeministrit Benjamin Netanyahu dhe mbajtjen e zgjedhjeve të reja.
Në pranga përfunduan 7 persona që morën pjesë në protestë dhe disa u lënduan. Protesta pati edhe në qytete të tjera të vendit përfshirë këtu edhe qytetin-port të Haifas.
