Zëvendësdrejtori i Policisë së Kosovës për rajonin e veriut, Veton Elshani tha se shumë shpejt do të hapët ura e Ibrit në Mitrovicë.
“Unë e konsideroj që është vetëm në pyetje koha se kur kjo urë do të hapët dhe si do të hapet. Një herë e patëm përmend që ka mundësi me u hap ura dhe me u mbushë me autoblinda në një farë vendi, por jemi duke e diskutua me eprorët tanë se si ka mundësi kjo të bëhet.
Unë konsideroj se nuk ka më vend për brengosje për qytetarët e veriut të vendit. Forma se si do të hapet është pak më ndryshe, por unë konsideroj që shumë shpejt do ta kemi edhe urën e hapur”, ka deklaruar Elshani për Tëvë1.
Barrikadat e para në këtë urë janë vënë në vitin 2011 nga ana e serbëve lokalë.
