Policia e Kosovës në bashkëpunim me AKI-në ka bastisur shtëpinë e dy të arrestuarve.
Të arrestuarit Bedri Shababi dhe Muharrem Qerimi kanë qenë dy agjentët e dyshuar të shërbimit serb në Ferizaj.
Gjatë kontrollit në vendndodhjen e dy të dyshuarve në cilësi të provave materiale janë gjetur dhe sekuestruar dokumente të ndryshme, kompjuter, telefona, USB, DVR, kaseta, armë dhe municione, maska, maska gazi ushtarake si dhe shumë dëshmi të tjera.
