Gjykata e Posaçme Antikorrupsion ditën e sotme i ktheu SPAK-ut aktet dhe dosjen për deputetin e Partisë Demokratike, Qani Xhafa për ta hetuar, lidhur me aksidentin e shënuar më 13 mars të vitit 2023 në bulevardin Qemal Stafa në Elbasan.
Vendimi u mor nga gjyqtari Erjon Çela, i cili shqyrtoi në seancën e kësaj të hënë kërkesën e Gjykatës së Elbasanit, që shpalli moskompetencë lëndore për çështjen e deputetit.
Sipas GJKKO, hetimet deri më tani janë bërë nga një prokurori jokompetente dhe do t’i kalojnë SPAK-ut, duke qenë se Xhafa është subjekt që duhet të hetohet nga kjo prokurori.
