Agjencia e Mbikëqyrjes Policore në Tiranë ka arrestuar një efektiv policie i dyshuar për korrupsion.
Efektivi Kastriot Palushi me detyrë oficer krimesh në Komisariatin nr. 4 në Tiranë u arrestua ditën e sotme nga AMP.
Oficeri është arrestuar pasi dyshohet se i ka kërkuar një qytetari 50 mijë lekë për ta lehtësuar nga një kallëzim ndaj tij.
Qytetari ishte kallëzuar nga një grua për kanosje dhe Palushi i kishte kërkuar para që të shmangte hetimet dhe përgjegjësinë penale.
Ndërkohë në cilësinë e provës u sekuestruan një shumë monetare prej 50 mijë lekësh të rinj, një automjet Hyundai, një aparat celular dhe dokumenta të tjera që lidhen me ngjarjen.
