Petrit dhe Vezire Elezi, prindërit shqiptarë që u arrestuan pas vdekjes tragjike të djalit të tyre autik, janë lënë të lirë nga Gjykata e Halkidës. Ata janë nën masën e sigurisë “detyrim paraqitje një herë në muaj”.
Në seancën gjyqësore, avokatja e çiftit, Vasilea Oikonomou, argumentoi se prindërit janë të shkatërruar nga ngjarja dhe se 23-vjeçari kishte preferuar të kalonte kohë në makinë me dritaret të hapura, duke marrë gjithmonë ujë dhe ushqim nga ata.
Sipas autoriteteve, temperatura ishte shumë e lartë dhe 23-vjeçari kishte qëndruar në makinë për të paktën tre orë. Pasi kanë zbuluar vdekjen e tij, prindërit e kanë çuar djalin fillimisht në Qendrën Shëndetësore të Aliverit dhe më pas në Spitalin e Halkidës, ku është konfirmuar vdekja e tij nga goditja e të nxehtit.
