Gjykata e Elbasanit ka caktuar masat e sigurisë për pesë punonjësit e policisë.
Punonjësit e policisë kryenin veprimtari të paligjshme në këmbim të parave dhe u akuzuan për shpërdorim detyre, korrupsion dhe për falsifikim kompjuterik.
Prokuroria e Elbasanit ka kërkuar marrjen e masave të sigurimit personal ndaj personave nën hetim.
Menjëherë gjykata vendosi pranimin e kërkesës së prokurorisë dhe caktoi masat e sigurisë “arrest shtëpie” për Endri Hazizi, Aurel Tahiri dhe Xhevahir Stërmugu.
Ndërsa për Eraldi Koprencka dhe Nertil Xhemalaj u caktua masa e sigurisë “pezullimi i ushtrimit të një detyre”.
Ndërkohë AMP ka pezulluar nga detyra edhe dy efektivë të tjerë.
