Djali i ish-presidentit Donald Trump, Donald Trump Jr., ka sulmuar zëvendëspresidenten Kamala Harris, e cila u nominua nga Presidenti Joe Biden pas dorëheqjes së tij, duke thënë se ajo është “madje më liberale dhe më pak kompetente” se Biden.
“Kamala Harris zotëron të gjitha qëndrimet politike të majta të Joe Biden. Diferenca është se ajo është edhe më liberale dhe më pak e aftë se Joe, dhe kjo është e vërtetë. Ajo ka dështuar në mbrojtjen e kufirit dhe ka lejuar pushtimin më të madh të emigrantëve ilegalë në historinë tonë!!!” tha Trump Jr.
Babai i tij, ish-presidenti Donald Trump, u shpreh për CNN menjëherë pas njoftimit sot se ai beson se Harris do të jetë më e lehtë për t’u mundur në zgjedhjet presidenciale të nëntorit 2024.
