Joe Biden, presidenti aktual i Shteteve të Bashkuara, ka shpallur të dielën se nuk do të kandidojë për rizgjedhje në mandatin e tij të dytë. Në një deklaratë të publikuar në rrjetet sociale, ai tha se vendimi për të mos kandiduar përsëri është marrë në interesin më të mirë të Partisë Demokratike dhe të vendit.
“Ka qenë një nder i madh të shërbej si President i Shteteve të Bashkuara, por besoj se është në interesin më të mirë të partisë sime dhe të vendit tonë që unë të tërhiqem nga gara presidenciale dhe të fokusohem ekskluzivisht në detyrat e mia si President për pjesën e mbetur të mandatit tim,” tha Biden.
