Kreu i Partisë Demokratike në fjalën e tij në tubim tha se sterilizimi ka ardhur gjithmonë duke u modernizuar.
Berisha u shpreh se në vitin 2010-2011 importuam aparate digjitale për procesin e sterilizimit dhe në të gjitha repartet funksiononin autoklavat dhe sterilizatorët.
“Në rastin e sterilizatorëve u mbyllën të gjitha, e mori kompania e muratorit të Edi Ramës me Beqajn, rritën 83 herë çmimin e sterilizimit, i dhuruan kompanisë të gjithë aparaturën moderne që importuam, i dhuruan një kat të tërë dhe lokale të tjera në bazë spitale, dhe çfarë sollën? Sollën që me çmimet e reja, spitalet nuk paguanin dot setet e veglave të sterilizuara për operacione.”, u shpreh Berisha.
Më tej ai theksoi se mesatarisht sipas KLSH-së, 1 mijë të sëmurë mbeteshin çdo vit pa operacion në mëshirë të fatit.
“Po analizat. Do të merrni vesh shumë gjëra. Analizat e sharlatanit bëhen me reagentë të skaduar, muaj dhe vite më parë. Paratë i merr Edi Rama, Ilir Beqaj, paratë i merr korba e koviditi”, tha Berisha.
