Në dosjen hetimore të SPAK, të cilën e përmban një raport prej 500 faqesh, zbulohet se Sali Berisha ka përfituar nga financimet e dhëndrit të tij, Jamarbër Malltezi, për aktivitete të ndryshme.
Njëra nga detajet kryesore është se Malltezi ka paguar për akomodimin dhe udhëtimin e këngëtarit italian Riccardo Cocciante gjatë fushatës zgjedhore të vitit 2013, si dhe për organizimin e disa aktiviteteve të tjera. Po ashtu, SPAK evidenton se shoqëria Homeplan sh.p.k., e lidhur me Malltezin, ka paguar për biletat e udhëtimit të këshilltarit të Berishës, Flamur Kuçi, dhe Fatmir Bektashi për një vizitë në SHBA për të takuar arkitektin e projektit të kullave, Daniel Liebeskind.
Përveç kësaj, Malltezi ka sponsorizuar Fondacionin e Liri Berishës me qindra mijëra euro në vitet e fundit, duke ngjallur dyshime për lidhjet e korrupsionit mes Berishës dhe Malltezit. SPAK përfundon se Berisha ka konsumuar veprën penale të “Korrupsionit pasiv të funksionarëve të lartë” në bashkëpunim me Malltezin.
