Në orët e para të mesnatës nënë dhe bir vdiqën gjatë zjarrit në banesën e tyre në fshatin Nikoliq të Hasit. Të afërm të familjes tregojnë se e ndjera jetonte me djalin dhe nusen e saj, ndërsa dy djem të tjerë i kishte në Angli dhe një tjetër në Francë.
Ata shprehen se lajmin e kanë marrë nga ora dy e mëngjesit dhe tregojnë ngjarjen tragjike.
“Po ndihmonte nënën ta nxirrte nga shtëpia, ne shkuam në orën 2 pa çerek. Ishin të gjithë, I gjithë fshati, policia zjarrfikëse, por nuk mundëm. U mundua I shkreti të nxirrte nënën. Kur ka lajmëroi policinë, hyri Brenda të nxirrte nënën por nuk doli dot më jashtë. E kemi gjetur në kuzhinë, Rexhin e kemi gjetur duke u djegur akoma duke u djegur, ishte i shkrirë komplet”, tha një nga të afërmit e familjes.
