Prokuroria e Posaçme Kundër Krimit dhe Korrupsionit i komunikoi përfundimin e hetimit ish-kryeministrit Sali Berisha dhe dhëndrit të tij, Jamarbër Malltezi.
Për ish-kryeministrin, firmosi avokatja Klodiana Gjyzari, ndërsa për Jamarbër Malltezin firmosi avokati Klodian Skënderi. Në një dalje për mediat, Sali Berisha tha sot se Rama ka gisht te privatizimi i kompleksit “Partizani” dhe se SPAK-u e fali.
“Edi Rama ka shtatë firma tek ndryshimi i destinacionit të kompleksit. Rama i kishte vënë syrin Partizanit për ta zhvilluar me Olsin Ramën, Paro Paçin dhe të tjerët. Akuzat ndaj meje janë politike dhe të fabrikuara” tha Berisha.
