Kreu i grupit parlamentar të PD, Gazment Bardhi, ka deklaruar se nesër nuk do të ketë seancë normale parlamenti, duke akuzuar kryeministrin Rama për shpallje lufte ndaj opozitës.
Ai theksoi se përjashtimi i opozitës nga Kuvendi dhe pengimi i funksioneve të saj përbëjnë një akt të papranueshëm.
‘Grupi parlamentar do të jetë në mbledhjen sekretariatit të orës 15:00 si formë e mosdakordësisë tonë me këtë përshkallëzim që PS po i bën grupit parlamentar të Partisë Demokratike.
Të përjashtosh opozitën nga Kuvendi, të burgosësh opozitën për fjalën e lirë, të pengosh opozitën të kryejë funksionet veta, të tentosh ta asgjësosh opozitën, siç e kam thënë edhe më parë është shpallje lufte ndaj PD-së, grupit parlamentar të PD-së dhe opozitës në tërësi.
Sa ti takon seancës së nesërme, grupi ka vendosur të bëjë gjithçka për të mos lejuar normalitet në seancën e nesërme. Strategjitë se çfarë do të bëjmë do ti mësoni aty‘, tha kreu i grupit parlamentar te PD, Gazment Bardhi per mediat.
