Tensionet në hyrje të Kuvendit të Shqipërisë janë intensifikuar, me deputetin Gazment Bardhi që ka akuzuar forcat e policisë për përdorim të forcës. Ai deklaroi për mediat se policia ka rrethuar deputetët dhe u ka drejtuar armën, duke e cilësuar situatën si të paprecedentë.
“Nuk ka ndodhur kurrë që forcat e policisë të hyjnë dhe të dhunojnë deputetët. U kanë drejtuar armën, i kanë qëlluar në vendin e punës,” tha Bardhi, duke shprehur shqetësimin për këto veprime dhe duke kërkuar mbrojtjen e demokracisë dhe të drejtave të deputetëve.