Mossos d’Esquadra ka finalizuar një operacion të madh në Katalonjë, duke arrestuar anëtarët e një bande kriminale shqiptare që grabiste apartamente dhe lokale.
Operacioni, që nisi herët në mëngjes, përfshiu disa qytete, përfshirë Barcelonën dhe Òdena, dhe u zhvillua pas një hetimi disa mujor. Grupi dyshohet se ka kryer rreth 20 grabitje, duke përdorur teknika të sofistikuara dhe masa mbrojtëse.
Gjatë operacionit, policia zbuloi 220 bimë marihuanë në Montmaneu dhe 50 kilogramë sytha në L’Espelt. Grabitjet kishin për qëllim financimin e plantacioneve të marijuanës, duke e kthyer Katalonjën në një qendër të rëndësishme për prodhimin e drogës në Evropë. Autoritetet vazhdojnë hetimet për të sjellë para drejtësisë liderët e kësaj bande
