Mesditën e sotme një 34-vjeçar u arrestua në lagjen nr.1 në Durrës. 34-vjeçari Orgest Zenuni është futur në një market dhe nën kërcënimin e thikës ka tentuar të marrë xhiron ditore.
Menjëherë punonjëset e marketit kanë reaguar duke njoftuar Policinë dhe të pengonin autorin për të mos marrë lekët. 34-vjeçari nuk ka mundur që të vjedhë dhe duke u larguar ka dëmtuar lehtë në dorë një nga punonjëset e marketit.
Ndërkohë grupi hetimor ndodhet në vendngjarje dhe vijon veprimet për dokumentimin ligjor të rastit.
