Një ngjarje e rëndë ka ndodhur në Haraçi në Shkup, ku dy persona janë lënduar me armë. Një nga të lënduarit ka ndërruar jetë dhe tjetri është në Repartin e Mjekimit Intensiv.
Të lënduarit i është bërë diagnoza dhe do të bëhet intervenim kirurgjik, thanë për MIA-n nga Qendra Emergjente.
Ata bëjnë të ditur se pacienti i vdekur është 50 vjeç, ndërsa tjetri 19 vjeç.
“Për shkak të seriozitetit të gjendjes së pacientit 50-vjeçar, menjëherë është kryer reanimacioni, por fatkeqësisht me gjithë përpjekjet e ekipeve mjekësore kujdestare, ky pacient ka ndërruar jetë”, theksojnë nga Qendra Emergjente.
