Ditën e premte zëdhënësi i Kremlinit Dmitry Peskov ka thënë se një sulm i ushtrisë ruse në Ukrainë, me një raketë të porsa zhvilluar balistike hipersoike kishte për qëllim ta paralajmëronte Perëndimin se Moska do të përgjigjet ndaj vendimeve dhe veprimeve të tyre të “pakujdesshme” në mbështetje të Ukrainës.
“Mesazhi kryesor është se Rusia do tw përgjigjet ndaj vendimeve dhe veprimeve tw pamatura të vendeve perëndimore që prodhojnë raketa dhe e furnizojnë Ukrainën me to dhe më pas marrin pjesë në sulme ndaj territorit rus”, u tha gazetarëve Peskov.
Më pas Rusia nuk ishte e obligur t’i paralajmëronte Shtetet e Bashkuara për këtë sulm, por i njoftoi ato gjithsesi 30 minuta para lëshimit të raketës.
“Pala ruse i ka dëshmuar qartë aftësitë e saj, dhe linjat e veprimeve të mëtejshme hakmarrëse, në rast se shqetësimet tona nuk merren parasysh, janë shpalosur mjaft qartë. Putini mbetet i hapur për dialog, tha ai.
