Më 25 Nëntor, Presidenti Bajram Begaj zhvilloi një konsultim në Presidencë me përfaqësuesit e Partisë Socialiste mbi datën e zgjedhjeve të ardhshme parlamentare, ndërsa Partia e Lirisë shprehu gatishmërinë për të diskutuar çdo datë përveç asaj të propozuar nga Taulant Balla.
Në kontrast, Partia Demokratike, nën udhëheqjen e Gazment Bardhit, e refuzoi ftesën, duke e cilësuar procesin e konsultimeve si një farsë dhe një veprim të zbukuruar nga qeveria.
Bardhi theksoi se caktimi i datës është kompetencë ekskluzive e Presidentit sipas Kushtetutës dhe e akuzoi atë për rolin e tij politik, duke e quajtur veprimin e tij si një përpjekje për të legjitimuar vendimet e qeverisë.
“Tashmë Rama-Balla e kanë caktuar datën e zgjedhjeve dhe Presidenti pritet vetëm të nënshkruajë e të vulosë vullnetin e partisë në pushtet. Farsa e gjoja konsultimeve me parti politike dhe madje edhe me individë pa parti, është një akt i shëmtuar që meriton vetëm të përbuzet”, shkruan ai.
