Mbrëmjene djeshme policia italiane ka arrestuar tre shqiptarë të moshave 27-39 vjeç, të cilët dyshohen për një sërë vejdhjesh. Ata ishin me dosje të mëparshem policie ku akuzoheshin për vjedhjen në shtëpinë e një pensionisti nga Casarza Ligurie.
Policia vuri re tre shqiptarët teksa po vëzhgonin banesat e zonës dhe gjatë ndërhyrjes, ata dolën me shpejtësi nga një pallat dhe u kthyen drejt makinës.
Sipas medias italiane, gjatë kontrollit në makinë u gjetën një shufër çeliku, mjete të ndryshme për vjedhje, doreza, si dhe mbi 1500 euro dhe argjendari të shumta të ardhura nga një vjedhje e kryer së fundmi ndaj një 89-vjeçareje pensioniste. 89-vjeçarja kishte harrur hapur dritaret e banesës dhe nuk ndodhej aty. Ndërkohë tre shqiptarët janë izoluar në burgun e Genova Marassi.
