Kreu i Partisë Demokratike Sali Berisha ka pritur në takim ish senatorin dhe gazetarin italian Antonio Razzi. Në takim ishin edhe nënkryetari i PDSH Oerd Bylykbashi, deputeti Tritan Shehu, ish-kandidati i PDSH për kryetar të Bashkisë Lushnjë,Elton Bano.
Berisha tha që takimi ishte miqësor dhe i hapur, si dhe diskutuan mbi zhvillimet dramatike në Shqipëri, për intalimin e narkoshtetit të parë, për burgosjet politike.
“Në këtë takim diskutuam gjerësisht mbi zhvillimet dramatike në Shqipëri, instalimin e narkoshtetit të parë dhe të vetëm në Europë nga Edi Rama dhe rikthimin e farsës zgjedhore, burgosjeve dhe proceseve politike për kundërshtarët politikë, mbi zhvillimin e marrëdhënjeve miqësore midis vendeve tona mike dhe forcave tona politike të qendrës së djathtë”, shkruan Berisha.
