Gjykata e Posaçme ka pranuar kërkesën e Prokurorisë së Posaçme (SPAK) duke pushuar çështjen për Selim Çekajn, i cili u arrestua në prill të vitit 2021 pasi në kontejnerin e tij u kapën 49 kg kokainë.
Sipas SPAK, akuza për përfshirjen e tij në trafik droge nuk vërtetohet. Ai është babai i Arbër Çekajt, i cili u dënua me 14 vite burg pasi u kap me 613 kg kokainë në magazinat e kompanisë së tij të bananeve “Arbri Garden” në Maminas.
Sipas deklaratës së tij, Çekaj ishte thjesht një tregtar frutash dhe se efektivët duhet ta zbulonin se kush ia kishte vendosur lëndën narkotike në kontejner.
