Kryeministri i Kosovës, Albin Kurti, ka pritur sot delegacionin e qytetarëve boshnjakë dhe shqiptarë nga Bosnja dhe Hercegovina, të cilët udhëtuan për herë të parë pa viza në Kosovë, si rezultat i marrëveshjes që u arrit në Samitin e Berlinit. Ky udhëtim është një moment historik, pasi shënon fillimin e mundësisë për qytetarët e Bosnjës dhe Kosovës që të udhëtojnë lirisht mes dy vendeve.
Në këtë udhëtim, 30 qytetarë udhëtuan me letërnjoftim dhe shprehen emocionet e tyre, duke e cilësuar këtë ditë si një ngjarje të veçantë, pasi për shumë prej tyre ishte hera e parë që vizitonin Kosovën. Kurti theksoi se ky është vetëm fillimi i mundësive për shkëmbime shkencore, kulturore, sportive dhe familjare, dhe se shpresohet që të ketë gjithashtu lehtësira për qytetarët kosovarë në drejtim të Bosnjës në të ardhmen.
