Një konflikt mes fqinjëve në Tiranë ka shkaktuar plagosjen e babë e bir, Arben dhe Marjo Miha, 60 dhe 21 vjeç, të cilët janë dërguar në spital jashtë rrezikut për jetën. Sherri ka shpërthyer pas një debati mbi zhurmën në pallat, ku Kristjan Thaçi, 34 vjeç, ka pyetur: “Pse bëni zhurmë?”. Konflikti ka eskaluar në përdorimin e thikës dhe sendeve të forta, duke lënë të plagosur të dy fqinjët.
Ngjarja ka ndodhur në hyrje të pallatit në rrugën “Shyqyri Ishmi”, rreth orës 16:15, dhe autori, Kristjan Thaçi, është shpallur në kërkim nga policia. Grupi hetimor po punon për sqarimin e rrethanave të ngjarjes, ndërkohë që autoritetet vazhdojnë kontrollin për kapjen e tij.
