Kisha Ortodokse Autoqefale e Shqipërisë ka njoftuar se gjendja shëndetësore e Kryepeshkopit Anastas Janullatos është stabël pas transferimit të tij në Athinë për trajtim mjekësor.
Dje, më 3 janar 2025, Kryepeshkopi u dërgua me avion ushtarak nga një spital i Tiranës, ku kishte qëndruar për disa ditë. Mjekët kishin sugjeruar një diagnostikim më të specializuar, dhe për këtë arsye ai u dërgua në Athinë.
Sipas njoftimit të mjekëve të spitalit të Ungjillëzimit në Athinë, ku po trajtohet, gjendja e tij është stabël dhe po ndiqet nga specialistët, pavarësisht historikut të tij shëndetësor.
