Sali Berisha tha sot se drejtuesja e PS-së për qarkun e Fierit, Belinda Balluku ka hapur 35 zyra elektorale në Lushnje për organizim ahengjesh për fushatë.
“Pavarësisht se mbahen në këmbë nga SKAP-i i partisë, ka një prokuror dhe një gjykatës që nuk e blejnë dhe shesin dot, ky është gjykimi i qytetarëve. Qytetarët shohin malin e plehrave në vend të djegësit të Tiranës, sepse i kanë marrë paratë. Qytetarëve u thanë se portin e ri do ta ndërtojë privati, tani cakton 400 mln euro për të plaçkitur, tokën dhe detin. Del se kanë rritur 83 herë çmimin e sterilizimit.
Një rënie dramatike e prodhimit. Gjithçka është rritje sot, në masën 70% është drogë, drogë dhe vetëm drogë. Eksportet rënie në pikiatë, prodhimi rënie në 6 simestre njëri pas tjetrit, tre vite. Turizmi, si dëshmi e shfrytëzimit kolonial të shqiptarëve. Nëse shqiptari paguan 230% euro për një turist dhe fiton 4 Euro për turist, cfarë është kjo?
Këto janë të dhënat zyrtare shqiptare. A mund të imagjinoni ju, që mbyllen cdo muaj, qindra dhe mijëra vende pune nga falimentimi i fasoneve dhe nuk u jep kush një qindarkë mbështetje, ndërkohë që shpenzohen nga buxheti 430 mln euro për infrastrukturën e investitorëve strategjikë të Ramës për t’u dërguar atyre ujin, rrugën, e me radhë.
Kurse këtyre që vetëm me narko euro i ke dëmtuar 38%, i ke goditur, këtyre nuk u jepet një qindarkë. Të ikin, të ikin, vetëm të ikin. Janë në situatë katastrofale. Testimet që bëjnë, hapin zyrat, Lubi Balluku ka hapur 35 zyra në Lushnje me të gjithë drejtorët e Tiranës, qytetarët e Lushnjes nuk u shkelin në zyra.
Organizon ahengje se nuk i shkon kush sepse e dinë se është simboli i vjedhjes. E dinë. E dinë që vetëm ajo për shkak të pangjopshmërisë së saj merr 16% të buxhetit kur 780 mijë pensionistë marrin 1/512 e buxhetit. Pra maxhoranca është jo vetëm në panik por është në cdo ditë e më të vështirë” tha ai.
