Izraeli dhe Hamasi do të fillojnë negociatat indirekte për një fazë të dytë të marrëveshjes së armëpushimit këtë javë.
“Kjo do të ndodhë këtë javë”, tha ministri i jashtëm izraelit Gideon Saar në një konferencë për shtyp dje në Jerusalem.
Faza e dytë pritet të përfshijë lirimin e të gjithë pengjeve të mbetura, duke përfshirë uhstarët meshkuj izraelitë, një armëpushim të përhershëm dhe tërheqjen e plotë forcave izraelite.
Izraeli thotë se nuk do të pajtohet me një tërheqje të plotë derisa të eliminohen aftësitë ushtarake dhe politike të Hamasit, duke siguruar që ai të mos mund të sundojë më, ndërsa Hamasi refuzon të dorëzojë pengjet e fundit izraelitë derisa Izraeli të përfundojë luftën dhe të largojë të gjitha trupat e tij.
