Policia e Kosovës është duke zhvilluar një aksion në disa zyra ilegale të qendrës për pune sociale në veri të Mitrovicës.
Këtë e ka konfirmuar zëvendësdrejtori i Policisë për Mitrovicën veriore, Veton Elshani, i cili tha për mediat e Kosovës se ky aksion lidhet me arrestimet që u bënë vetëm një ditë para zgjedhjeve në Kosovë.
Sipas tij, në zyrat e qendrës për pune sociale e cila ishte një strukturë paralele/ilegale dyshohej se i kanë thirrur qytetarë të ndryshëm në telefon dhe nën formën e kërcënimit i kanë detyruar apo udhëzuar se si te votojnë duke i kushtëzuar ndihmat sociale me votën e tyre ne favor te një partie të caktuar politike e cila ishte ne garë për zgjedhjet parlamentare në Kosovë.
“Prokuroria Themelore ne Mitrovicë e ka aprovuar kërkesën tonë dhe e ka dërgu mandej kërkesën e vet për urdhër të kontrollit në Gjykatë gjë të cilën edhe e ka marr dhe tani jemi ne kontroll te këtyre qendrave me urdhër te Gjykatës. Pas kontrollit të këtyre vendeve ne do te njoftojmë prokurorinë me te gjeturat e cila mandej do te vendos për hapat e mëtejmë”, tha Elshani.
