Policia e Shtetit pas operacionit që zhvilloi së bashku me Prokurorinë e Posaçme ka pezulluar nga detyra tre efektivët.
Tre policët janë shefi i krimeve në Himarë Shkëlzen Ruska, shefin e krimeve në Lushnje Ervis Alisinanaj, dhe shefin e policisë kufitare Sarandë, Elvis Dervishi, i cili është shpallur në kërkim.
Drejtoria e Standardeve Profesionale ka nisur hetimin disiplinor për shkelje të rëndë ndaj këtyre punonjësve.
Ndërkohë policia vijon bashkëpunimin me të gjitha agjencitë ligjzbatuese për evidentimin dhe largimin nga radhët e saj të punonjësve që cenojnë imazhin e Organizatës së Policisë së Shtetit.
