Kreu i Partisë Demokratike në një deklaratë për mediat tha se kryeministri Edi Rama pasi paketoi Veliajn u tha deputetëve që mos guxojnë që ta mbrojnë atë.
Berisha tha se tre ditë më parë Rama kërkonte votat e PD për ta shkrirë SPAK, ndërsa tani po e përdor këtë të fundit si “kamzhik” ndaj kandidatëve të tij.
“Imagjinoni padrinon në bodrumin e tij, që nuk dini asnjëri prej jush se kush kandidon në këtë qark apo atë qark sepse listat po bëhen nga organizatat e tjera kriminale.
Ka një panik, ka një tmerr në radhët e partisë së krimit.
Dje Edi Rama, pasi e paketoi Erion Veliajn, u tha mos guxoni ta mbroni se atje do të shkoni.
Çfarë ishte ajo deklaratë dje? A nuk tregoi se ai është në harmoni të plotë me Spakun?
Tre ditë më parë kërkonte votat e PD për ta shkrirë dhe për ta zhdukur, tani e përdor atë si kamxhik ndaj kandidatëve të tij”, tha Berisha.
