Ish-kryeprokurori i Përgjithshëm, Adriatik Llalla, ka hequr dorë nga rekursi që kishte depozituar në Gjykatën e Lartë. Ai kërkonte pafajësi, por është tërhequr nga apeli më pas.
Kolegji penal i Gjykatës së Lartë do të shqyrtojë më 25 mars kërkesën e tij për të hequr dorë nga rekursi. Nëse kërkesa e Llallës nuk do të pranohet, do të shqyrtohet kërkesa për pafajësinë e tij.
Llalla u dënua me dy vite burg për fshehje pasurie, ndërsa për pesë vite i është ndaluar të ushtrojë funksione publike. Ky vendim u dha nga Gjykata e Posaçme Antikorrupsion në maj 2021.
