Komisioni Qendror i Zgjedhjeve ka shpallur rezultatet përfundimtare të zgjedhjeve të 9 shkurtit në Kosovë.
Partia e parë është Lëvizja Vetëvendosje me 42.3 për qind të votave. Kjo parti ka marrë 48 mandate në Kuvendin e Kosovës. Më pas vjen Partia Demokratike e Kosovës që ka marrë 196 mijë e 474 vota ose 20.95 përqind.
E treta është Lidhja Demokratike e Kosovës që ka marrë 18.27 për qind të votave apo 20 mandate. Koalicioni AAK-Nisma ka dalë në vend të katërt me 7.06 për qind të votave apo tetë mandate.
Në mbledhjen e KQZ, kryetari Kreshnik Radoniç tha se vonimi i shpalljes së rezultateve ka ndodhur për shkak të “zbatimit të ndryshimeve të shumta ligjore” dhe “problemet me prezantimin e rezultateve preliminare për subjektet politike”.
