Në një seancë të tensionuar të Kuvendit, kryetari i Partisë Demokratike, Sali Berisha, kritikoi ashpër qeverinë për mënyrën se si po trajton raportin mbi Bashkimin Europian, duke e cilësuar atë si një akt të rëndë mashtrimi ndaj qytetarëve.
Ai theksoi se raporti nuk është bërë i njohur për publikun dhe akuzoi drejtuesit politikë se po pengojnë transparencën dhe informacionin e nevojshëm për shqiptarët.
“Keni paraqitur sot në këtë Kuvend raportin mbi integrimin në BE, i cili nga alfa te omega, është mashtrim, mashtrim dhe vetëm mashtrim. Ky është një akt shumë i rëndë. Në një moment shumë të rëndësishëm për shqiptarët dhe për Shqipërinë, ju nuk keni guxim ta lexoni këtë raport përpara Kuvendit dhe keni vendosur që qytetarët të mos e dinë gënjeshtrën tuajën. Nuk ka akt më jo serioz. Prandaj kërkoj të tërhiqet menjëherë raporti. Raporti është fund e krye mashtrime dhe burokraci“. Sa i përket performancës, ajo është e trilluar, vjen vetëm nga një figurë e Edi Ramës dhe Lubisë; ajo mbetet kryehajdute e parë. Raporti duhet të lexohet i pari dhe më pas të kryhen rezultatet. Të dashur qytetarë, ata e kanë mbushur kryekëput me mashtrime. Diskutimi i një raporti që qytetarët nuk e dinë se çfarë është, është i papranueshëm. Si ka mundësi që Balluku e quan pallosh dhe ai e mban dhe e mbron, dhe ti, Spiropali, që e quajte Skënderbe të flaku, si e prano këtë?”
