OKB-ja ka paralajmëruar se shkrirja e akullnajave kërcënon furnizimin me ushqim dhe ujë të 2 miliardë njerëzve në mbarë botën.
Sipas një raporti të UNESCO-s, dy të tretat e të gjithë bujqësisë së ujitur në botë mund të preken në një farë mënyre nga tërheqja e akullnajave dhe zvogëlimi i reshjve të borës në rajonet malore, të nxitura nga kriza klimatike, raporton CNN.
Më shumë se 1 miliardë njerëz jetojnë në rajonet malore dhe nga ata në vendet në zhvillim deri në gjysma tashmë po përjetojnë pasiguri ushqimore.
Kjo ka të ngjarë të përkeqësohet, pasi prodhimi i ushqimit në rajone të tilla varet nga ujërat malore, shkrirja e borës dhe akullnajat, sipas Raportit Botëror të Zhvillimit të Ujit 2025 .
Vendet e zhvilluara janë gjithashtu në rrezik: në SHBA, për shembull, pellgu i lumit Kolorado ka qenë në thatësirë që nga viti 2000.
