Këngëtarja e njohur shqiptare, Parashqevi Simaku, ka rikthyer në skenë këngën e saj “Dashuria” nga albumi “Echoes From Iliria”, i publikuar në vitin 2006.
Videoklipi i ri, i cili mbështetet në poezinë e shkrimtarit Andon Zako Çajupi, sjell një mesazh emocional dhe artistik, duke u bërë pjesë e një rikthimi të rëndësishëm për këngëtaren pas vështirësive të saj financiare dhe personale.
Ky projekt, i realizuar në bashkëpunim me Robert Nolfe dhe Dileo, është përkrahur nga Elton Ilirjani, që e ndihmoi Parashqevinë në momentet e saj më të vështira.
Publiku e ka pritur me entuziazëm rikthimin e saj, duke shprehur mbështetje dhe emocion për talentin e saj, edhe pse disa kanë pasur keqkuptime për origjinën e këngës.
