Presidentja e Komisionit Europian, Ursula von der Leyen, këtë të premte në kuadër të Samitit BE-Ballakni Perëdimor imbajtur në Tivat të Malit të Zi, ka folur rreth procesit të integrimit të vendeve të Ballkanit bazuar në meritën e tyre, duke theksuar se Shqipëria dhe Mali i Zi kanë anvancuar në këtë drejtim.
“Dhe procesi i zgjerimit duhet të jetë më i dukshëm. Vendet kandidate duhet t’u shpjegojnë qytetarëve të tyre përfitimet e zgjerimit, por edhe nga ana jonë, shtetet anëtare duhet t’u shpjegojnë qytetarëve tanë përfitimet e zgjerimit. Dhe ky është komponenti strategjik. Zgjerimi do të thotë më shumë siguri, më shumë prosperitet dhe një rol më të madh të Europës në botë. Ekziston momentumi. Prandaj, siç thashë, ky është një proces i bazuar në meritë dhe, nëse ato i përmbushin meritat dhe kriteret e kërkuara, meritojnë të ecin përpara dhe në fund të bëhen anëtare të Bashkimit Europian.Tani duhet ta shndërrojmë këtë momentum në lëvizje dhe këtë lëvizje në anëtarësim”, tha Presidentja e KE.
