Një grup studentësh të Universitetit të Prishtinës zhvilluan sot një tubim para Ambasadës së Maqedonisë së Veriut në Prishtinë, duke shprehur mbështetjen e tyre për studentët shqiptarë që po kërkojnë të drejtën për ta zhvilluar provimin e jurisprudencës në gjuhën shqipe.
Gjatë aktivitetit, pjesëmarrësit marshuan me flamuj të UÇK-së, ndërsa në afërsi të ambasadës ishin të pranishëm edhe efektivë të Policisë së Kosovës.
Përmes kësaj proteste, studentët synuan të përcjellin solidaritetin e tyre me kërkesat e bashkëmoshatarëve shqiptarë në Maqedoninë e Veriut lidhur me përdorimin e gjuhës shqipe në procesin e testimit të jurisprudencës.
