Drejtuesi politik i Partisë Demokratike në qarkun e Lezhës, Agron Gjekmarkaj ka prezantuar në Rubik, Aleksandër Lalën si kandidat në listën e hapur për deputetë në zgjedhjet e 11 majit.
Gjekmarkaj shprehet se Rubiku është lënë pa anjë investim nga rilindja. Ai nënvizoi se programi i Partisë Demokratike për Rubikun nuk është thjesht premtim elektoral, por një angazhim i fortë për investime, infrastrukturë moderne, punësim dhe mbështetje për familjet dhe bizneset vendas.
“Edi Rama nuk mund të mbledhë as me detyrim atë që ju sot e bëtë me zemër dhe besim! Sot jeni shume se besoni te fitorja. Ata vijnë me bilbila dhe daulle, por me daulle do ta përcjellë populli i Lezhës dhe i gjithë Shqipërisë më 11 Maj, tek ikin nga sytë e këmbët.
Dhe kur kryeministri pyet se kë do të votonte Fishta në këtë realitet, përgjigjja është e thjeshtë: jo ai që thotë “Dokrra hinit”
Kjo qeveri mund të tundë pasaportën si dajre ne autobuz sa të dojë, por më 11 Maj do të tundet nga vota e shqiptarëve! 12 vjet Europa na mbajti larg prej kesaj qeverie që na ka zënë rrugën. Pastrimi i rrugës, detyra jonë që do të thotë hyrja në Europë me meritë.”, shprehet Gjekmarkaj.
